SARS hef nuwe invoertariewe op aankope van aanlyn-kleinhandelaars

VAALDRIEHOEK - Die Suid-Afrikaanse Inkomstediens gaan van vandag af dieselfde invoertariewe hef op bestellings van minder as 500 rand, as wat van toepassing was op groter bestellings. Dit sal die pryse verhoog wat Suid-Afrikaners betaal vir bestellings van aanlyn-kleinhandelaars soos Shein en Temu. Verbruikers het tot nou toe invoerbelasting van 20% betaal op kleiner bestellings, en geen belasting op toegevoegde waarde nie. Die invoertarief styg van vandag af tot 45%, terwyl BTW ook betaal moet word.