Meer as 293 000 graad 1 en graad 8 plasingtoewysings uitgereik vir Gauteng

VAALDRIEHOEK - Vaaldriehoek en ander Gautengse ouers het sewe dae om te reageer op hulle kinders se plasings in skole vir die volgende akademiese jaar. Die LUR vir Onderwys in Gauteng, Matome Chiloane, het bekendgemaak 293,057 plasingtoewysings vir graad 1 en 8-leerders is teen vanoggend uitgereik. Hiervan is 148,744 toewysings aanvaar. Woordvoerder Steve Mabona versoek ouers om binne sewe dae op die webblad vir Aanlyn Toewysings te reageer. Hy sê die proses sal voortgaan totdat alle plasings afgehandel is.

FOTO: (Verskaf)