Gautengse Gesondheidsdepartement maak vordering met onkologiebehandeling vir kankerpasiënte

VAALDRIEHOEK - Die Gautengse Departement van Gesondheid sê hy maak goeie vordering om onkologiedienste te verbeter, veral vir pasiënte wat radioterapie moet kry. Die departement se woordvoerder, Motalatale Modiba, sê talle belangrike ingrypings is ingestel om die toegang tot en gehalte van kankerbehandeling in die provinsie te bevorder. Hy sê die departement het die proses om radioterapiedienste aan privaat verskaffers uit te kontrakteer, afgehandel en R260-miljoen oor 24 maande is daarvoor begroot.