DA eis dat Emfuleni Munisipaliteit vakante poste vul

VANDERBIJLPARK - Die DA in Gauteng doen 'n beroep op die Emfuleni Plaaslike Munisipaliteit om vakatures in sy vullisverwyderingsafdeling te vul, aangesien hy steeds meer as R129-miljoen aan eksterne kontrakteurs bestee. Alhoewel daar 24 diensverskaffers is, worstel inwoners steeds met hope rommel in die strate en dit hou 'n gesondheidsrisiko in. Die DA-lid, Kingsol Chabalala is van mening die munisipaliteit se afvalbestuursafdeling, waar 251 werknemers is, presteer nie omdat daar talle vakatures is, 'n gebrek aan toerusting en nie genoeg voertuie is nie.