ArcelorMittal SA stel die sluiting van sy langstaalbedryf uit

BREKENDE NUUS: VEREENIGING - ArcelorMittal Suid-Afrika het die besluit om sy langstaalbedryf te staak met minstens ses maande tot 31 Augustus uitgestel. Dit volg nadat hy ‘n lening van R1,68-miljard van die regering se Nywerheidsontwikkelingskorporasie ontvang het. Die maatskappy het ook ‘n Tydelike Werknemerverligtingskema-toekenning ontvang om werknemerskoste te befonds. Die staalmaker wou sy lang-staalbedrywighede in Newcastle en Vereeniging sluit. ArcelorMittal SA sê die ingryping sal help om sy langstaalbedryf voort te sit terwyl ‘n lewensvatbare langtermynoplossing gesoek word.