Aansoeke vir die Midvaal Burgemeestersstudentefonds is amptelik oop

MIDVAAL - Aansoeke vir die Midvaal Burgemeestersstudentefonds is amptelik oop. Hierdie inisiatief, wat in 2024 geloods is, ondersteun studente wat hoër onderwyskwalifikasies nastreef deur broodnodige finansiële hulp te bied. Midvaal Burgemeester, Peter Teixeira sê verlede jaar het 29 studente baat gevind by die program, wat hulp vir klasgelde, registrasiegeld en noodsaaklike studiemiddele soos skootrekenaars en boeke ingesluit het. Met R750,000 wat in 2024 vir die program toegewys is, beklemtoon die inisiatief die administrasie se toewyding om geleenthede vir almal te skep, die finansiële las op studente te verlig, en hulle te bemagtig om sinvol tot die samelewing by te dra. Aansoeke vir die 2025-inname sluit op Vrydag, 24 Januarie 2025. Die program is slegs beskikbaar vir voltydse studente wat by openbare instellings ingeskryf is.

Meer inligting en om aansoek te doen word geregtige studente aangemoedig om die Munisipaliteit se webwerf te besoek by:

www.midvaal.gov.za/mayoral-student-financial-aid-2025.